Група од 2.000 демонстранти против ЛГБТ лицата ја нападна поворката на парадата на гордоста во Тбилиси. Хомофобите, меѓу кои имаше и православни свештеници, палеа знамиња во боите на виножитото и се судрија со полицијата.
Тоа беше причина за откажување на фестивалот на гордоста во Тбилиси, бидејќи учесниците мораше да бидат евакуирани. Правата на ЛГБТ лицата се заштитени со закон во Грузија. Но, голем број од припадниците на заедницата се соочуваат со раширена дискриминација во конзервативната и, претежно, православна држава.
Според заменик на министерот на грузиското МВР, полицијата се обидела да ги запре демонстрантите, но не успеала да ги стави под контрола. Организаторите на настанот, пак, ги обвинија властите дека се договориле со демонстрантите за попречување на фестивалот.