Момчето од сообраќајката кај Блаце без сериозни повреди, лежи во ГОБ „8 Септември“

По несреќата, 21-годишното момче е префрлено во ГОБ „8 Септември“. Директорот на болницата Христијан Костов за Телма вели дека момчето нема сериозни повреди, нема скршеници, туку само набиеници и гребаници по телото. Задржан е во болницата на опсервација, лежи на одделот траума. Станува збор за косовски државјанин со иницијали Ш.П.

Телма веќе објави дека продолжува потрагата по трите лица по вчерашната сообраќајна несреќа во која возило од марката БМВ, со косовски регистарски таблички, заврши во реката Лепенец.

(Фото) Еден од браќата извлечен, се трага по другиот и родителите – продолжува потрагата по трите лица од БМВ-то кои вчера завршија во Лепенец