Според податоците, околу 10.000 граѓани биле регистрирани деновите кога осигурителните компании за 15 % ја зголемија цената на осигурителната полиса. Под притисок на Агенцијата за супервизија на осигурувањето (АСО) и Финансии, се врати старата цена, но останува прашањето дали граѓаните кои платија поскапа регистрација, поради полисата ќе бидат обесштетени од осигурителните компании.
Предлогот за враќање на старите цени мина на Влада, се чека негово објавување во „Службен весник“. На ова бурно реагираа фирмите од осигурителниот бизнис, со порака дека одлуката е директна закана за финансиската стабилност на секторот.
Тврдат дека одлуката за повисока цена на полисата ја донеле бидејќи таа не е променета повеќе од 10 години, а нивните трошоци во меѓувреме пораснале. Но, анализата на АСО покажа дека поскапувањето е неосновано.