Повеќе од извесно е дека Стефано Пиоло по завршувањето на актуелната сезона ќе заработи отказ од Милан. Многу имиња се споменуваат за идни тренери на „росонерите“, но во последните денови низ медиумите се појави името на Серџо Консеисао.
Наводно Португалецот сака да ја прифати понудата од челниците на Милан и деновиве треба да разговара со неговите работодавци во Порто. Тој има договор со португалскиот состав до јуни 2028 година што значи дека Италијанците ќе треба да платат обештетување за тренерот.
Консеисао добро го познава италијанскиот фудбал со оглед дека најдобрите денови од својата играчка кариера ги мина во Серија А во тимовите на Парма, Лацио и Интер.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.