Во штипската приградска населба „Железничка“ денеска во домашни услови гласаа 76-годишната Слободанка Гошова и 81-годишната Митра Арсова. Додека здравствената состојба им дозволувала, редовно гласале на денот на изборите. И Гошова и Арсова велат дека гласањето на избори е свечен чин и според нив секој треба да го искористи своето демократско право.
Телма денеска беше на терен со членовите на Избирачкиот одбор во штипската населба Железничка. Избирачкото место се подготви за утрешното гласање. На овие избори ќе има две кутии – една за избор на претседател, а втората за избор на пратеници. Гласачите имаат право само еднаш да пристапат до избирачките места.
Според ДИК, 534 избирачи згрижени во установите за вонсемејно згрижување. Гласаа и лицата кои се сместени во Домовите за стари лица. Во Прилеп гласачкото место е отворено без никакви проблеми.
Според податоците на ДИК денеска за претседателските избори гласаат 11.123, а за Парламентарните избори бројката на болни и немоќни лица е поголема за 102 избирачи или гласаат 11.225 болни и немоќни лица.
Викторија Јованова Димитрова