МЗТ Скопје денеска од 19 часот гостува кај Спартак Суботица во рамки на реванш натпреварот од полуфиналето во АБА2 кошаркарската лига. На првата пресметка на домашен паркет во „Јане Сандански“, нашиот шампион загуби со пет поени.
„Металците“ можеби влегуваат како аутсајдери на реваншот со најдобриот тим од регуларниот дел од сезоната во АБА2, но тренерот Васко Атанасов најави дека неговите избраници не одат во Суботица со бело знаме.
МЗТ ќе се бори со сите сили и до последната капка пот за да стигне до големото финале. Во Скопје на првата средба, имаше многу падови во играта, особено во првиот и последниот период, кога нашите кошаркари потфрлија. Поразот од 73-78 значи дека Спартак е на прагот да се пласира во големото финале, но ако МЗТ го одигра најдобриот натпревар сезонава ќе може да се надева на изненадување.
Прв финалист во плеј-офот во АБА2 е тимот на Војводина, кој ја елиминираше Подгорица.