Десетина лица се уапсени во голема полициска акција, која е во тек во Тетово и во Гостивар, кои се осомничени за сексуална експлоатација на деца. Тие се сомничат и за дело трговија со деца. Акцијата е во координација со Обвинителството за гонење организиран криминал и корупција.
Од Министерството за внатрешни работи (МВР) за Телма потврдија дека на терен постапуваат десетици полицајци и специјалци од МВР. Од таму додаваат дека станува збор за лица кои подолго време биле следени, а детали ќе бидат објавени по завршување на акцијата.