Пример за безрезервна верба во партиските водачи. Вака опозицијата го окарактеризира однесувањето на пратениците од мнозинството, кои предлагаат измени на клучни закони, без да го видат договорот на владата со „Бехтел и Енка“ за чии потреби се прават измените.
Пратениците од ДУИ, пак, реагираа дека ќе бидат запишани во историјата ако не ги направат измените.
За мнозинството не беше доволно добар ниту еден од поднесените четири амандмани од опозицијата. Последните два, кои беа одбиени денеска, се однесуваа на можноста што се дава со измените, минералните суровини како песок, камен, чакал и друго, да се експлоатираат преку издавање на брзи концесии, без да се чека одобрение за градба и тоа цели шест месеци по завршувањето на изградбата. Два од амандманите беа на помалиот коалиционен партнер во власта, ВМРО Народна.
Законот за минерални суровини е првиот од осумте спорни закони кој го мина комисискиот филтер и ќе оди на пленарна седница.
Далиборка Демјанска Цветановска