Напад со нож во патнички воз во Германија што сообраќал на релацијата Кил – Хамбург. Како што објавија германските медиуми, непознат маж почнал да напаѓа патници, пришто се убиени повеќе луѓе.
Според првичните сознанија, повредени се седум лица, изјави портпаролот на федералната полиција, јавува „Шпигел“.
Двајца луѓе, според ТВ НДР, се наводно убиени при нападот. Напаѓачот бил уапсен на станицата Брокстед, а железничкиот сообраќај ќе биде затворен додека трае полицискиот увид.
Моментно нема информации за напаѓачот, ниту за мотивите на нападот.