Европскиот парламент повика на формирање на Трибунал за настаните во Украина, во резолуцијата што беше усвоена на денешната седница во Стразбур.
Документот, во кој се бара формирање на трибунал за, како што го нарекоа пратениците „злосторство агресија врз Украина“, го поддржаа 472 пратеници, 19 беа против, а 33 воздржани, пренесува ТАСС.
Резолуциите на Европскиот парламент не се правно обврзувачки, но нашироко се користат од страна на ЕУ во медиумите и политиката за промовирање конкретни позиции. Киев и неговите сојузници редовно бараат формирање на специјален трибунал за Украина. Русија ја смета таквата идеја „апсурдна“.
Девет држави и испраќаат на Украина воена помош во тенкови и тешка артилерија
Група од девет земји, вклучувајќи ги Велика Британија, Полска и Холандија, ветија дека ќе продолжат да обезбедуваат уште поголема воена помош за Украина, вклучително и најмоќните борбени тенкови.
Помошта ќе опфати десетици системи за противвоздушна одбрана Стингер, противвоздушни топови, С-60, митралези, како и обука на украински војници, пренесува Ројтерс… Британскиот министер за одбрана Бен Валас претходно најави дека Велика Британија планира да испрати 600 ракети Бримстон во Украина за да ја поддржи таа земја во нејзината борба против Русија.
Одлуката е донесена пред клучниот состанок на кој ќе се официјализира одлуката за испраќање оружје во Киев, закажан да се одржи во базата Рамштајн во Германија.