Ќе царуваат ли дрвокрадците ако шумската полиција бојктира? – Ова се само дел од дилемите, откако синдикатот на управата и вработените во земјоделие ги открија намерите на Владата да го суспенедира колективниот договор. Но, затоа министерот за земјоделство, Љупчо Николовски ќе заработи кривична пријава од УПОЗ, бидејќи ќе го сметаат за виновен ако не им се исплаќаат додатоците на вработените пропишани со колективниот договор. Стекнати права, не можат да се намалуваат, а вработените стравуваат дека ќе останат со ниски плати без овие бонуси.
УПОЗ бара, вработените ќе тужат.
Земјоделие со барање до Владата и државниот пазарен инспекторат на труд да направи надзор на колективниот договор на вработените во министерството. Оттаму, смируваат платите нема да се кратат и редовно ќе се исплаќаат, но проблем се бонусите.
„За нереалните права овозможени со колективниот договор, пример се правата за вработените во МЗШВ по основ на јубилејна награда во висина од 200%, 250%, 300% од просечната плата, кои во време на економска и енергетска криза кога сите граѓани, стопански субјекти, владини и невладини организации се трудат да придонесат со своите постапки за полесно справување со кризата, синдикатите потписници на договорот незаконски ги бараат исплатите со буџетските средства за надоместоци и до 300% од просечната плата, на штета на целиот буџет на државата и граѓаните,“ информираат од МЗШВ.
Од синдикатот на вработените во управата сметаат дека е прекршување на законот со кој забранува вработените да добиваат бонуси. Пред еден месец владата се обрати и побара од сите владини институциите да направат план како да ги намалат трошоците, а во документот на 12 страни беа спомнати и колективните договори во кои се пропишани додатоци, бонуси и повисоки права, а владата побара нивно ревидирање.
Симона Петровска