Зголемувањето на цената на полисите за задолжително автомобилско осигурување е неоправдан чекор, се вели во реакцијата на Агенцијата за супервизија на осигурување (АСО) по одлуката на осигурителните компании за зголемување на давачката при регистрација на возила.
„По добиените известувања од осигурителните компании дека ќе ја зголемат цената, направени се актуарски пресметки за проверка. По извршените актуарски пресметки утврдено е дека зголемувањето на цената, со дадените образложенија, не е оправдано“, стои во соопштението на АСО.
Агенцијата за супервизија на осигурувањето информира дека доставила предлог до Министерството за финансии, во рамки на неговите законски надлежности, да иницира изготвување и донесување нова тарифа на премии за задолжително осигурување од автомобилска одговорност. И со тоа да го ограничи износот на режискиот додаток што ќе овозможи намалување на цената на полисите за задолжително осигурување од автомобилска одговорност.
Поскапува задолжителната осигурителна полиса – нови цени за регистрација на возила