Израелските војници се повлекуваат од јужниот дел на појасот Газа, Палестинците почнаа да се враќаат во градот Кан Јунис, каде ги затекнаа своите домови во рушевини.
Илјадници згради останаа оштетени и уништени, поради неколкумесечното бомбардирање на израелската војска. Семејствата кои се вратија во нивните уништени домови, можеа да забележат и изгорени болници и училишта.Услови за живот во моментот нема и ќе нема уште долго, а за нивно воспоставување ќе биде потребно долго време.
Уништените улици даваат јасна слика за една од најсмртоносните војни кој светот не ги видел со децении назад. Израелските планови за инвазија на Рафах, предизвикаа глобален аларм, но и небезбедна судбината за 1,4 милиони Палестинци кои се наоѓаат таму.
Повлекувањето на израелските сили од Кан Јунис, според многумина, е тактички потег, а не како знак за можен крај на војната. Двете страни викендот испратија свои делегации во Каиро на мировни преговори, во обид да се договорат за втор прекин на огнот од почетокот на војната.
Војната во Газа почна со напад на Хамас на израелска територија на 7 октомври, кога членови на палестинската милитантна група убија 1.200 цивили, а во заложништво однесоа повеќе од 250. Израел одговори со воздушни напади и копнена офанзива во која, според извори во Појасот, се убиени над 33.000 Палестинци.