Основниот суд во Прилеп почна подготвителна постапка за случајот со убиството на 14-годишното момче, што се случи пред една недела во центарот на градот. Од таму информираат дека бидејќи станува збор за убиство на дете постапката е тајна.
Судијатa за деца презема истражни дејствија по предлог на Основното јавно обвнинителство, и тоа, сослушување сведоци, сослушување на оштетените, на детето кое го извршило убиството, вештачење“, информира прилепскиот суд. Пред судијата исказ дал таткото на убиеното момче и сведок во случајот, а денеска исказ треба да даде малолетникот кој го изврши убиството.
Обвинителството побара психијатриско вештачење на 15-годишникот е осомничен за делото. Според неговиот бранител, не станува збор за убиство со умисла, туку за чин во состојба на афект или силна разразнетост. Адвокатот објаснува дека малолетникот во притвор може да остане до 90 дена, а за тоа време треба да заврши судската постапка.
Според законот, не може да добие затворска казна како кај полнолетните лица, туку казната е со алтернативни мерки или во институции, најмногу до пет години.