Воениот кабинет на израелскиот премиер Бенјамин Нетанјаху одлучи да ја запре работата на катарската медиумска куќа Ал Џазира во земјата додека трае војната во Газа, со образложение дека известувањето на катарскиот медиум „претставува закана по националната безбедност на Израел“.
„Поттикнувачкиот канал Ал Џазира ќе биде згаснат во Израел“, рече Нетанјаху по јавното гласање на владината седница, пренесува „Ројтерс“.
Во соопштението на владата се истакнува дека министерството за телекомуникации на Израел наложило да се „реагира моментно“, но еден пратеник, кој го поддржа затворањето на Ал Џазира, рече дека медиумската куќа и натаму може да ја блокира одлуката на судот.
По повод предложената мерка, канцелариите на Ал Џазира во Израел ќе бидат затворени, ќе биде запленета сета техничка опрема, каналот ќе биде симнат од понудата на кабелските оператори и сателити, а блокиран ќе биде и порталот на катарскиот медиум.
Израелскиот парламент во текот на минатиот месец усвои закон со кој се овозможува затворање на странските медиумски куќи кои се сметаат за безбедносна закана за Израел.