Сè уште трае спасувачката акција за извлекување на повеќе од 30-тина градежни работници. Tие се затрупани со тони земја, додека работеле на копање тунел во северниот дел на Индија.
Сите работници се живи и на безбеден дел, а обезбеден им е кислород и вода преку цевка, па дури и суви оброци, соопшти полицијата, која во текот на ноќта стапилa во контакт со нив.
Точната бројка на затрупани работници не е потврдена. Повеќе од 150 спасувачи користат опрема за дупчење и багери за да ги расчистат остатоците.
Колапсот на земјиштето се случи вчера во Утараханд, планинска држава преполна со хинду храмови кои привлекуваат многу аџии и туристи.
Заробените работници биле дел од градежниот проект, кој треба да поврзува неколку места за аџилак.
Урнатиот дел од тунелот долг 4,5 километри е на околу 200 метри од влезот.
Мила Тодоровска