Вториот круг избори за претседател на државата и парламентарните избори започнал навреме и без било какви проблеми на гласачкото место 2640 во скопската општина Карпош кое го посети нашата екипа.
Ова го кажа претседателката на избирачкиот одбор , на ова гласачко место на кое право на глас имаат над 800 граѓани.
Според Даниела Јовчевска – Михајловска иако немаа прецизна бројка за излезноста на гласање , повеќе гласачи се појавиле утрово на гласачкото место во однос на првиот круг од претседателските избори.
Граѓаните кои од утрово дојдоа да гласаат на гласачкото место 2640 велат дека очекуваат мирни, демократски избори без инциденти, а од идните победници очекуваат да придонесат за просперитетот на дрзавата.
Над 1.814.000 граѓани имаат право на глас за вториот круг од претседателските избори, а над 1.815.000 граѓани гласаат на парламентарните избори.
Разликата во бројот на гласови е поради оствареното право на глас на лицата кои стекнале полнолетство. Изборниот ден ќе се реализира на 3.480 гласачки места низ целата дрзава, а над 1.800 домашни и странски набљудувачки ќе го следат изборниот ден.
Сотир Трајков
View this post on Instagram