На денешен ден (9 ноември) пред 34 години беше отворен и урнат Берлинскиот ѕид што беше увертира во процесот на обединување на Источна и Западна Германија.
Берлинскиот ѕид беше долга бариера која го делеше западен од источен Берлин и оневозможуваше премин на луѓе од Источна во Западна Германија и обратно.
Водечките луѓе на Демократска Република Германија (Источна Германија) одлучија да им дозволат на своите граѓани да можат слободно да одат во западниот дел на земјата, но одлуката требаше да стапи на сила од наредниот ден. Но, Гинтер Швабовски, партиски шеф на источен Берлин, не присуствуваше на седницата на која се носеше одлуката, па пред насобраните новинари беше објавено дека „одлуката важи од денеска“.
Западногерманските ТВ станици веднаш ја објавија сензационалната вест, па луѓето од двете страни со голема возбуда тргнаа кон ѕидот. Притоа наидоа на неинформираните стражари кои ги запреа, но не за долго, бидејќи притисокот за минување на границата беше преголем.
Никој од партиските челници не сакаше да донесе одлука за примена на сила што резултираше со пропуштање на топлата.
Луѓето од источен Берлин беа дочекани од воодушевени граѓани со шампањско од другата страна на ѕидот. Жителите на двата дела потоа почќнаа да се качуваат на него и да играат. Имаше и такви кои земаа чекан во раце и кршеа делови од него за спомен.
Денешниот ден не е празник во Германија, бидејќи на истиот датим во 1938 година озлогласената Кристална ноќ во која беа нападнати голем број на Евреи во Германија.