Шест луѓе се убиени во израелски напад на училиште што го води хуманитарната агенција УНРВА во Газа. Организацијата соопшти дека десетици се повредени, вклучувајќи и персонал на УНРВА.
„Бројките веројатно ќе бидат поголеми“, се вели во соопштението на УНРВА, според која околу 4.000 лица нашле засолниште во училиштето.
Агенцијата го нарече нападот „нечуен“ и го опиша како „флагрантно занемарување на животите на цивилите“.
„Ниту едно место не е повеќе сигурно во Газа, дури ниту објектите на УНРВА“, се додава во дописот на агенцијата.