Дел косовски медиуми објавуваат дека напаѓачите кои синоќа убија еден косовски полицаец, а повредија друг, наводно се криеле во Манастирот Бањска. Тие објавуваат и фотографии од манастирот и од Гугл мапс, означувајќи ја неговата локација.
Српскиот портал КоССев.инфо соопштува дека од манастирот им изјавиле дека таму била затекната група од 50 верници од Нови Сад, кои сега се плашат да го напуштат манастирот.
Никакви напаѓачи ниту има, ниту имало. Вчера во манастирот пристигна група од 50-на верници од Нови Сад со својот свештеник. Сѐ уште се таму, се е блокирано па не можат да го напуштат манастирот, преплашени се. Околу 2 часот утрото беа разбудени од силни детонации, имаше многу истрели од околните ридови, сѐ се тресеше, изјавиле од манастирот за српскито портал.