Чин Ганг, кој не е виден во јавност од минатиот месец, е сменет од функцијата министер за надворешни работи на Кина, објавија државните медиуми. На негово место доаѓа Ванг Ји, досегашен директор на Канцеларијата на Комисијата за надворешни работи на Централнито комитет на Комунистичката партија на Кина, пренесе државната телевизија ЦЦТВ.
Одлуката за смена на Ганг е донесена денеска, на посебна седница на Постојаниот комитет на Националниот народен конгрес, објави „Саут Чајна Морнинг пост“.
Весникот наведува дека изненадувачката смена на Ганг дошла по една недела шпекулации за неговата судбина. Се додава дека неговото отсуство доминираше со политички дискусии во земјата, како и дека темата се развила во една од најголемите кризи за претседателот Си Џинпинг од почетокот на неговиот трет мандат.
Ганг во минатото беше помошник на Џинпинг од доверба и брзо напредуваше од портпарол на кинеското МНР до заменик министер.
Во јули во 2021 година беше именува за амбасадор на Кина во САД, а 17 подоцна стана шеф на кинеската дипломатија.