Во внатрешноста на „Титан“ се пронајдени човечки остатоци, соопшти американската крајбрежна стража

Во остатоците на подморницата „Титан“ се пронајдени, се претпоставува, човечки остатоци, потврди американската крајбрежна стража. Остатоците на минијатурната подморница, која имплодира во обидот да стигне до Титаник во Атлантикот, за првпат се видени денеска кај Сент Џонс во Канада.

Деловите од „Титан“ се истоварени од бродот Хоризон Арктик, прекриени со церада пред да бидат транспортирани со камиони.

„Медицински стручњаци на САД ќе направат официјална анализа за наводните човечки остатоци кои се пронајдени внатре во подморницата“, се вели во соопштението на американската крајбрежна стража.

Експедицијата со „Титан“ ја организираше компанијата „ОушнГејт“. Во подморницата беа капетанот и четворица патници, но никој не ја преживеа несреќата.