Пожарот што денеска избувна во Париз по силната експлозија повреди многу луѓе, некои од нив се и во критична состојба

Бројот на повредени во експлозијата и пожарот во Париз се искачи на 29. Во моментов пожарот е ставен под контрола, а има и исчезнати лица.

Во тек е пребарување на урнатините. Директорот на блиското музичко училиште вели дека експлозијата била толку силна што го соборила на подот додека бил во својата канцеларија.

Целото пошироко подрачје околу експлозијата е опколено од полицијата, а жителите на неколку околни згради се евакуирани.

Полицијата во моментов ги прегледува снимките од безбедносните камери за да ги утврди деталите за експлозијата. Така дошле до заклучок дека експлозијата се случила точно во 16 часот и 55 минути.

На снимките што се појавија на социјалните мрежи се гледа дека човек  влегува во зградата непосредно пред експлозијата.