Нема нови случаи на морбили во штипскиот регион, каде пред 10-тина дена се појави првиот случај на мали сипаници. Докторите од Инфективната болница во Штип велат дека деновиве кај нив биле донесени деца со исипи по телото, но по направените анализи, потврдено е дека не станува збор за морбили, туку за „варичела“, вообичаената крупна сипаница која децата ја прележуваат. Родителите испаничени од првиот случај, штом ќе забележат осип по телото на детето, веднаш ги носат во болница, велат докторите.
Но, засега потврдено е дека нема нови случаи на морбили, иако инкубацискиот период од 18 дена од првиот случај не се поминати.
13-месечно бебе од Свети Николе беше првиот случај со морбили. Комисијата за заразни болести се уште истражува како се заразило, со оглед на тоа што неговиот постар 6-годишен брат нема симптоми, и бил целосно вакциниран, а никој од неговата околина исто така не покажале знаци на болеста. Состојбата во земјава се следи.