Се случува на Интернет, а жртвите се жени. Девојчињата и маргинилизираните групи се најранливи. Податоците од последното истражување загрижуваат, а Македонија не е изолиран остров. Речиси 85% од жените биле сведоци на насилството на Интернет, а скоро половина од нив лично го доживеале. Стравот и срамот причина да молат.
-Сведоци сме на злоупотреба на Интернетот и дигиталните технологии за комуникација, за насилство врз жените, говор на омраза, саксизам, злоупотреба на фотографии и видеа. Жените и девојките се цел на навреди, а нивните фотографии се подложни на понижувачки сексуални дејствија без согласност. Токму затоа наша заедничка обврска е да се бориме против ваквото кршење на човековите права на жените, вели Јованка Тренчевска, министерка за труд и социјална политика.
Со појава на социјалните мрежи дигиталното насилство е еднакво како и физичкото само не е доволно препознаено од младите. Постојат различни форми на родово базирано насилство од снимање на девојчиња и жени без нивна дозвола во јавен простор, демнење на Интернет, лажна порнографија, измами во онлајн просторот, лажно претставување и сајбердемнење. Најважна е едукацијата и подигање на свеста за насилството кај сите, а особено кај тинејџерките.
-Нашата цел е обезбедување на посилна превенција од насилство, санкционирање на истото, но и работа со сторителите на насилство со цел елеминирање на можноста повторно да се повтори делото, додаде Тренчевска.
Родово-базираното насилство врз жените и семејното насилство се гони и казнува. Новиот закон кој е на сила две години дава резултати, но најважно е преку него да се превенираат овие состојби. И покрај законската регулатива, судовите се полни со случаи, јавноста е сведок на се повеќе скандали во кои жртвите на дигиталното злосторство се млади девојки и жени. Интернетот е слободен простор, но кривичните дела се казливи со закон, предупредуваат невладините.
Тамара Марковска