Лидерите на најголемите партии немаат намера да се сретнат за да разговараат за уставни измени. Секој си останува на ставот, а дебатата која се најавува да почне од мај, ќе почне на експертско ниво. Премиерот планира да ги вклучи сите партии, но опозицијата категорично одбива.
За истражувањето кое покажа дека, евроскептицизмот расте, а големо мнозинство во Македонија е против условот Бугарите да бидат внесени во Преамбулата на Уставот за да продолжат преговорите за членство со ЕУ, Ковачевски рече дека ЕУ треба да ги дисциплинира сите свои земји членки (27 на број). Треба да им укаже да го осудуваат секое негирање по каква било основа, на македонскиот народ и на македонското општество.
Опозицискиот лидер, пак, вели дека владата, со ветувањето за внесување на Бугарите во Уставот сама создаде нерешив проблем.
Според истражувањето, уставните измени се неприфатливи за дури 80 отсто од Македонците, односно за 65 отсто од сите граѓани. Исто така, 59 отсто од симпатизерите на владејачката СДСМ се против вметнување на Бугарите во Уставот.
Далиборка Демјанска Цветановска