Одложено рочиштето за случајот Пендиков. Одбраната тврди дека немала увид во сите доказни материјали со кои располага обвинителот и побара во наредниот период да му се досволи да ги разгледа сите аудио и видео материјали поврзани со случајот.
Според адвокатот на првообвинетиот, Илија Спасески, целиот случај е премногу исполитизиран и според него не станува збор за меѓуетничка нетрпеливост. Тоа е така, рече, бидејќи токму таткото на Спасоски учествувал во спасувањето на бугарските државјани во несреќата со потонатиот брод Илинден.
Следното рочиште е закажано за 5 април.
Судскиот процес го води судијата Бојан Мартиноски, а на напаѓачот ќе му се суди за крвично дело напад од омраза со тешки повреди.
Основното јавно обвинителство – Охрид за нападот врз Пендиков поднесе обвинение против две лица. Едниот обвинет досега се бранеше со молчење и како што информираа претходно од Обвинителството, тој се товари за кривичното дело по увид во надзорните камери и изјави на сведоци. Вториот обвинет, пак, кој беше во бегство, беше приведен минатата недела во Битола.