И денеска повторно лажни дојави за бомби на многу нови локации.
Во списокот на пратени мејлови за поставена експлозивна направа денеска за првпат се најде претседателската палата заедно со други објекти од јавниот и приватниот сектор меѓу кои некои трговски центри и медиуми. Од Министерството за внатрешни работи веднаш излегоа на проверки.
Овојпат многу нови локации на кои за првпат имаше дојави за бомби меѓу нив Музејот на град Скопје, Природнонаучен музеј, Аехеолошки музеј, Музеј на македонска борба, Спомен куќата на Мајка Тереза, ГТЦ, Ист гејт мол, ТЦ бисер, Џевахир, Управен суд, СЦ Борис Трајковски, Железничка станица-Скопје и на многу други локации.
Граѓаните велат дека ова најмногу влијае на учениците кои се исплашени и поради тоа не сакаат да одат на училиште. Некои, пак, не веруваат во вистинитоста на заканите.
Мејл пристигна и до ТВ Телма, но не со закана за бомба туку со појаснување каде се вели дека нема да застанат со дојавите за бомби се додека корумпираната власт на СДСМ не се тргне. Властите веќе знаат што треба да прават, но тоа не го прават, а писмото беше пратено одамна порачуваат тие. Нагласија дека денеска жртви мора да паднат и ги пратија локациите на кои има дојави за бомби.
Веќе некое време стигаат вакви заканувачки мејлови, најчесто во училиштата, но досега сите дојави беа лажни.
Тамара Марковска