Директор Фатон Ахмети во моментот користи годишен одмор за кој има решение, одговорија од ФЗОМ.
Објаснуваат дека подготовката за заштита од сајбер напади што ја спремале била на високо ниво. Фондот веќе бил спремен и требало да започне со миграција на клауд на примарна и секундарна локација на податоци.
Сајбер нападот за жал, се случува непосредно пред тие да се стават во функција. Фондот веќе бил спремен и требало да започне со миграција на клауд на примарна и секундарна локација на податоци, тврдат од фондот.
Во моментот кога се случува сајбер нападот во Фондот биле ангажирани 24/7 експерти од земјава и од странство за да го вратат во функција системот, што е можно најбрзо. Тоа се случи за 13 дена, што, според Фондот е неверојатно брзо, во споредба со просекот на светски статистички за сајбер инциденти на кои вообичаено се потребни 22-23 дена.
Оттаму инсистираат дека Фондот цело време објавувала точни и навремени информации како што ги утврдувале фактите.
Тоа е одговорно да се направи во ваква криза, а не да се шпекулира или да се замајува јавноста, или пак да се предизвика некој дополнителен хаос. Фокусот на Фондот бил да се врати функционалноста за која работеле 24/7 и како што се утврдувале точните информации – така се објавувале, се вели во соопштението на фондот.