Чествувањето на Гоце Делчев на 4 февруари телефонски ги спои премиерите на Македонија и Бугарија, Галаб Донев и Димитар Ковачевски.
Тие денеска разговарале за непречено и мирно одбележување на 151 година од раѓањето на револуционерот, соопшти бугарската влада, за што в понеделник бугарскиот министер за внатрешни работи, Иван Демерџиев и првиот човек на бугарската национална безбедност, Пламен Тончев, в Скопје ќе разговараат со своите колеги.
Тие со своите македонски колеги треба да договорат заеднички активности за мирно и безбедно одбележување на 4 февруари.
Донев и Ковачевски меѓу другото разговарале и за соработка во делот на безбедноста особено во случаите на криминални дејствија или закани врз македонски граѓани со бугарски идентитет.
Притоа Донев очекува Македонија, да ги преземе неопходните активности за ставање крај на говорот на омраза и злосторствата, како и за почитување на правата на македонските Бугари.