Низ цела Украина утрово е прогласена воздушна тревога, а во некои региони е исклучена струјата поради страв од напади.
Во текот на ноќта над Киев беа соборени 15 дронови, соопштија градските воени власти.
Украинската армија додаде дека Русите ноќеска извршиле неуспешен напад со дронови врз главниот град на Украина.
Како што пишува Киев пост, Украинците тврдат дека биле соборени 24 ирански дронови, односно сите кои Русите ноќеска ги лансирале.
Белата куќа соопшти дека САД донеле одлука на Украина да и достават 31 борбен тенк Абрамс и смета дека тие „ќе имаат ефект“, но предупреди дека американскиот народ треба да се подготви дека САД „ќе мора да продолжат да ја поддржуваат Украина уште некое време.
Портпаролот на Советот за национална безбедност на Белата куќа, Џон Кирби, ги даде коментарите на брифингот во Белата куќа, набргу откако претседателот Џо Бајден ја објави својата одлука, менувајќи ги повеќемесечните упорни аргументи дека тие се премногу тешки за украинските трупи да работат и одржуваат.
Одлуката дојде откако Германија се согласи да испрати 14 тенкови Леопард од сопствените резерви.
Претходни испорака на тенкови од типот „челинџер“ најави и Велика Британија, а можноста од воена поддршка во тенкови не ја исклучи и Франција.