„Според анкетата на ИРИ партиите и судството се на дното, а ништо не се менува и покрај промените, партиите функционираат како султан-партии, иако ги променија статутите повторно се стимулира лидерот пред јавноста. Наместо да се стимулира мерид-систем и да се стимулираат најдобрите, а не најпослушните тука како тргна работата и најнеспособните и тоа ја влече целата ситуација надолу. Додека не се промени нешто порадикално или додека не се појави некоја нова опција не гледам дека нешто ќе се смени“, рече во вечерашната Топ Тема на Телма аналитичарот Александар Кржаловски директор на МЦМ.
„Кога се случува еден распад многу сегменти во тој систем се руинирани и доведени во една апсурдноста повеќе од 25 правни и десетеици економски факултети, стотици студентски груги да не редам повеќе аргументи… Дојдени сме до една граница која ја покажува оваа анкета. Ментална матрица која не упатува и не може да се препознае некој излез од оваа ситуација. Фундаментално прашање е како ќе се поправи некоја институција нормално да функционира кога темелите се урнисани“, истакна социологот, универзитетски професор во пензија Илија Ацески.