Јавното обвинителство оцени дека изборниот ден, до затворањето на избирачките места, помина генерално без поголеми нарушувања на гласањето и пријави за изборни инциденти.
Во Неготино има пријава против женско лице дека се обидела да влијае кај пријавителката да гласа за една политичка партија, напоменувајќи дека е корисник на ИПАРД помош.
Во ОЈО Кочани примени се известувања од МВР за пријавени настани поврзани со организирано носење на гласачи на избирачко место.
Анонимен граѓанин во Ростуше пријавил дека едно лице вршело поткуп на гласачи.
Освен ова, јавните обвинителства постапуваат и вршат проверки за сите други изолирани настани за кои јавноста претходно беше информирана, велат во Обвинителството.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.