Цензусот за претседателските избори е исполнет во последните два часа од гласањето. Излезноста до 18:30 според примерок од 91,38% од вкупниот број на избирачки места изнесува 46,31%.
За цензус е потребен одзив од 40%+1 глас или 725.728 излезени гласачи. До 18:30, според податоците на ДИК гласале 767.715 избирачи што е за 40 илјади гласови повеќе од потребното.
Тоа значи дека и покрај многу понискиот одзив во претежно со Албанци населени подрачја, обезбеден е законскиот услов со што Македонија ќе има избрано нов Претседател. Двајца кандидати се Стево Пендаровски, поддржан од СДСМ, кој се бори за втор мандат и Гордана Силјановска Давкова, поддржана од ВМРО-ДПМНЕ која имаше огромна предност во првиот круг и може да стане 6-ти Претседател на државата по осамостојување, прва жена-Претседател и прв кандидат кој победил на претседателски избори од опозиција.