Во Крива Паланка има најголема излезност за вториот круг претседателски избори односно 58,29% од запишаните избирачи гласале до 15 часот. Над половина од запишани избирачи гласале и во Новаци (52,32%) и Пробиштип (50.06%). На ниво на држава гласале 31,96% од запишаните избирачи до 15 часот, а тоа се податоци од околу 95 % од избирачките места.
Најмала излезност, едноцифрена за 8 часа изборен ден е забележана во Липково (само 5,14%), Врапчиште (7,91%) и Боговиње (7,95%).
Во однос на претходниот прв изборен круг, во истиот период, до 15 часот; гласале 2,6% помалку гласачи. Или на 24-ти април за претседател во истиот период гласале 34,57% од запишаните односно 614.892 избирачи. Денеска пак гласале 547.371 или 67 илјади помалку гласачи.
Во однос на парламентарните кои сега се одржуваат, излезеноста на претседателските е помала за речиси 5 проценти, односно за парламентарните избори гласале 36,72% од запишаните, а во вториот круг парламентарни 31,96%. Во број разликата е околу 88 илјади гласачи повеќе во корист на изборите за пратеници.