И убиени српски криминалци и нивниот егзекутор имале од лажните македонски пасоши опфатени со случајот Двојник.
На последното рочиште на судењето во Белград против озлогласената криминална група на Вељко Беливук, повторно беа спомнати македонските пасоши. Сведок-соработник тврди дека мафијашкиот егзекутор Љубомир Лаиновиќ во јануари 2020-тата година во Македонија добил лажен македонски пасош. Спомнатиот Лаиновиќ бил во бегство низ Македонија откако во Атина во Грција во двојното убиство на српските криминалци Игор Дедовиќ и Стеван Стаматовиќ. По убиството тој успеал да избега од Грција, а сведокот во српскиот суд изјавил дека мисли како за продолжување на патот кон Косово „Македонците му издале лажен пасош„.Убиецот Лаиновиќ подоцна е ликвидиран. И двете негови жртви убиени во Атина исто така имале лажни македонски пасоши кои беа опфатени со истрагата за случајот Двојник. Емисијата КОД на Телма лани објави дека убиените имале пасоши со украден идентитет на македонски државјани како дел од 214-те лажни македонски пасоши меѓу кои голем дле завршиле кај криминалци од Србија, Црна Гора, Албанија, Бразил и Британија.