Синдикатот при УКИМ за утре договорил средба со премиерот Димитар Ковачевски на која ќе се разговара за нивните барања, меѓу кои и скалесто покачување на платите на професорите. Ова за Телма го потврди синдикалниот лидер проф. од правниот факултет, Ангел Ристов.
Претходно беше најавено дека доколку не биде договорена средба ќе се премине на штрајк како мерка во насока на исполнување на нивните барања со што во прашање беше ставен почетокот на новата академска година.
Ристов пред околу една недела изјави дека и во месец јули имало најави за штрајк но тогаш истиот не се реализирал за да не им се наштети на судентите за време на испитната сесија.