Денеска надлежните од јавното претпријатие „Водовод“соопштија дека почна втората фаза од проектот „Набавка на опрема за намалување на загуби на вода“,“.
Во рамките на ова фаза, екипите на „Водовод поставуваат мерно-реглуациона опрема за следење и мониторинг на проток и притисок.
– Предвидено е поставување на мерно-регулациона опрема на 18 локации на територијата на Општина Куманово за следење и мониторинг на протокот и притисокот, веќе е поставена опремата на пет локации, а во наредниот период ќе биде поставена опрема и на останатите 13 локации. Се користат квалитетни мобилни ултразвучни мерачи за проток и сонди за мерење на притисок, сè со цел подобро управување со водоснабдувањето и навремено детектирање и санирање на настанатите проблеми во системот, изјави директорот на ЈП „Водовод“, Оливер Стојмановски.
Информациите од мерните локации, како што појаснуваат стручните, се испраќаат до главниот „Скада“ центар каде се следи процесот на обработка на добиените информации од вработените во претпријатието.