Комисијата за заразни болести констатирала дека состојбата во болниците е стабилна, а притисок има врз матичните лекари
Затоа од наредната недела пет Ковид-амбуланти ќе бидат отворени во Скопје, зошто тука е и најголемиот број на акривни случаи и новозаразени. Амбулантите ќе бидат во петте поголеми поликлиники. Ќе прегледуваат матичните лекари, по систем на ротација односно дежурства.
Нови мерки засега нема, затоа што главниот параметар – бројот на хоспитализирани е мал и системот сѐ уште не е оптоварен. И покрај порастот на епидемиолошката крива, Македонија уште се наоѓа во т.н. “зелена зона”.
Кај речиси 90 проценти од тестираните е потврдена варијантата БА.5, потврди вчера ИЈЗ, а сега и од Комисијата за заразни болести.
Симптомите се бројни, а стомачните проблеми се само дел од нив. Нема симптом кој доминира и по кој посебно се одликува подваријантата на Омикрон, БА.5.
Температура, течење на нос, гастроинтестинални проблеми, тоа сѐ е дел од симптомите.