Во Малешевско-Пијанечнкиот регион активни два пожари. Беровскиот градоначалник го повика населението да се вклучи во гаснењето на пожарот меѓу Митрашинци и Будинарци.
Во моментот гори голем пожар над селото Митрашинци, над објектите на семејството Валаски. Пожарот може да прерасне во големина каква што имавме минатата година. Апелирам до населението, до граѓаните посебно од селата Митрашинци, Будинарци, Мачево, да се упатиме во што поголем број доброволци за побрзо гаснење на истиот со цел да не прерасне во големина каква што имавме минатата година, повика на својот фејсбук профил Пекевски.
Пожарот меѓу беровските села Будинарци и Митрашинци, е во планинински предел, на непристапен терен е е надвор од контрола, вели командирот на беровските пожарникари, Сашко Руменковски. Според првичните проценки на пожарникарите зафатени се околу 50 хектари мешана шума од даб и бука. На терен се околу 30 пожарникари, вработени во Македонски шуми, како и од доброволното противпожарно друштво. На пожарникарите им е потребна градежна механизација, за да ги исчистат непристапните патишта и го стават под контрола огнот.
Попладнево почна да гори и шума во атартите на делчевските села Разловци и Трботивиште и таму на терен се сите екипи. Првично беа зафатени два до три хектари шума.
Викторија Димитрова Јованова