Глобалните воени расходи во 2023 година достигнале рекордни 2.443 милијарди долари, што претставува зголемување за 6,8 осто во однос на 2022 година, објави меѓународниот Институт за мир (СИПРИ) со седиште во Стокхолм.
Според СИПРИ, Соединетите Американски Држави останале најголем потрошувач со 916 милијарди долари, што е 37 посто од светските воени издатоци. Зад САД е Кина со проценети 296 милијарди долари. На третото место е Русија со 109 милијарди долари, пред Индија со 83,6 милијарди долари.
Воената потрошувачка лани сочинувала 2,3 отсто на глобалниот бруто-општествен производ. Во најновиот извештај на СИПРИ се наведува дека воените трошоци растат деветта година во низа и се бележи нивни пораст во сите пет географски региони кои ги дефинирал Институтот, пришто предничат Европа, Блискиот Исток и Азија.