Јавно сите повикуваат на излезност на претседателските избори, но дали во тајност се подготвува тивок бојкот од страна на ДУИ? Од албанската опозиција обвинуваат дека, интегративците имаат стратегија, техничкиот премиер од нивната партија да го задржат на функцијата уште еден мандат.
Од „Вреди“ повикуваат на масовна излезност на изборите, но јавна поддршка нема да дадат за ниту еден од кандидатите за претседател. Велат дека, гласачите не ги носат в џеб, и слободно ќе се определат за кого ќе го дадат својот глас.
И од „Европскиот“ фронт тврдат дека ќе го сторат истото и немаат намера да повикуваат на бојкот.
Лидерот на ВМРО-ДПМНЕ, пак, не ни очекува дека ДУИ јавно ќе повикаат на бојкот.
Мицкоски предупреди на будност од можно полнење на кутии, притисок и потплатување, затоа што тврди дека, освен во Липково, кутии се полнеле уште на 50-на места, а владини функционери, во придружба на полицајци, поткупувале лица во Виница и Берово.
Негираше дека ги почнале разговорите со „Вреди“ за состав на влада, велејќи дека, не му паѓа на памет нешто такво додека не се види резултатот од изборите.
Далиборка Демјанска Цветановска