Џабе ви е партија, ако народот ви пати или ако немате држава или гледате дека државата ви пропаѓа, порача Максим Димитриевски, градоначалник на Куманово, лидер на Движењето ЗНАМ и претседателски кандидат во вечерашното интервју на Телма ТВ. Тој не се гледа дел од „истите што само се менуваат“.
„Не би рекол дека сум дел од истите. На Македонија и треба нова политичка гарнитура. Долги години бев активист на СДСМ. Скала по скала, дошло време сум имплементирал власт. Сум се одважил во моменти кога таа политичка гарнитура која што го води СДСМ ги направи најкрупните грешки. Своите ставови сум ги кажал јавно, а тие биле суштински најсилни од позиција на централна и од позиција на локална власт. Се заврши таа приказна, излегов на избори, побарав поддршка од граѓаните, добив апсолутна поддршка во Куманово и продолжувам понатаму“, нагласи Димитриевски.