Државната изборна комисија (ДИК) попладнево целосно ги потврди листите за пратеници во Собранието на Македонија на 10 партии и коалиции со кои тие ќе учествуваат на претстојните парламентарни избори закажани за 8 мај. На други четири партии потврдени им се листите во дел од изборните единици, додека за преостанатите изборни единици во кои сакаат да се тркаат за идниот состав на Собранието рокот им е до утре за поднесување на дополнување и корекции.
Листите во сите шест изборни единици потврдени се на Kоалиција за европска иднина предводена од СДСМ, на Коалиција Твоја Македонија предводена од ВМРО-ДПМНЕ, Коалицијата за европски фронт предводена од ДУИ, коалицијата Вреди, на партиите ЗНАМ, ГРОМ, Левица и Единствена Македонија. Целосно потврдени се листите на Твоја партија и Аваја кои се кандидираа во четири изборни единици.
На Парламентарните избори учествуваат 16 партии и 1 листа од група избирачи од кои 13 имаа листи во сите шест изборни единици.
Тамара Грнчаровска