Три лица загинаа во поплавите во областа Оренбург во Русија

Три лица загинаа во поплавите во градот Орск во областа Оренбург во Русија, соопштија градските власти.

Властите наведуваат дека во градот е во сила вонредна состојба и дека повеќе од 2.500 домаќинства во областа се поплавени.

Претходно прес-службата на гувернерот на регионот Оренбург соопшти дека во тој регион се евакуирани 4.208 лица, меѓу кои 1.019 деца, а 427 од нив, меѓу кои 132 деца, се во центри за привремено сместување.