Бројот на заболени од голема кашлица достигна до 46 регистрирани лица во државата. Според последниот извештај на институтот за јавно здравје за само една недела од 9 до 15 февруари има зголемување на заразените за 21 процент во споредба со претходниот 7 дневен период.
Најмногу заболени и натаму има во Скопје 84,6%0, а останатите се во Куманово, Тетово, Гостивар. Најголем број заразени се деца на возраст до 4 години, кои не се вакцинирани или се некомплетно вакцинирани. Постои епидемиолошка поврзаност меѓу заболените лица (пет групи по два случаи).
„Во периодот од 9-15.02 пријавени се 17 нови случаи на голема кашлица. Сите пријавени случаи се од Скопје, а најголем број на случаи се од возрасната група од 10-19 години (n=8). Од новите 17 случаи, 5 случаи се хоспитализирани“ се наведува во извештајот на ИЈЗ.
64,1% од заболените не се вакцинирани. Просечниот опфат со вакцина против голема кашлица има тренд на опаѓање. Од 18 јануари до 14 февруари, во Скопје се утврдени околу 5000 деца кај кои е пропуштена вакцинација, од нив доплнително се вакцинирани 982, додека пак низ останатите градови, во истиот период, констатирано е дека кај 4 197 е пропуштена вакцинацијата, а дополнително се вакцинирани 23 отсто. Во Битола, засега нема регистрирано заболни од голема кашлица, но сепак интересот за имунизација секојденевно расте.
-Последната недела двојно е зголемен одзивот за вакцинација. Ако претходно доѓаа 20-30 деца за вакцинација, последната недела дошле 60-70 а повеќе од половина се за вакцината која штити од пертусис, вели д-р Билјана Николовска Мицовска, педијатар.
На вакциналните пунктови е продолжено и работното време, се работи во две смени, а работни се и саботите.
-Одговорните лица на вакциналните пунктови имаат потреба од повеќе медицински сестри за да се задоволат потребите на родителите за вакцинација на нивните деца и да го продолжиме патот до поголем опфат на вакцинација, вели Весна Спирковска, директор на Здравствен дом Битола.
Центарот за јавно здравје во Скопје прогласи епидемија на голема кашлица на 8 февруари, по препорака на Комисијата за заразни болести, која исто така прпорача во градинките да се примаат само целосно вакцинирани деца.
Сепак Министерството за труд и Државниот санитарен инспекторат се уште чекаат насоки од Владат, а градинките и покрај зголемениот број на нови слуачаи, само побараа родитлеите да ги ажурираат вакциналните картони на децата, но велат, немаат право да ги враќаат невакцинираните.
Емилија Мисирлиевски