Врвот на ДУИ пред неколку години бил во компанијата Еуровиа на свеченост по повод отварање на објект на компанијата на семејството Адеми, а на сликата до најголемиот партиски донатор Елмедин Адеми се министрите Артан Груби, Крешник Бектеши и Бујар Османи.
Лани токму Еуровиа и Адеми беа најголеми донатори, но партискиот потпретседател и партиски портпарол Бујар Османи тврдеше дека од медиумите разбрал за донацијата, а не знаеше ниту дали ќе ги вратат.
Сега извори од повеќе институции тврдат дека ДУИ ги вратило вишокот пари на својот донатор без да откријат кој датум се случило тоа. Партијата во надлежните институциии ДЗР и УЈП не доставила документи дека вратиле пари, но на надлжените лица во институциите телефонски во јуни им пратиле абер дека вишокот пари е вратен од ДУИ во Еуровиа.
Грешката требало да ја исправат во законскиот рок од 30 дена кога треба да ја вратат донацијата, а на тоа според информациите на Телма биле предупредени од ревизори и даночници.
Но, не го послушале советот и извештајот го доставиле со противзаконските донации на Еуровиа. Вратена е разликата меѓу дозволената висина на донацијата и уплатената, но не и целата.
Вториот прекршок со кој Еуровиа за време на изведување тендер со државни пари истовремено донира на партија не бил исправен затоа што во моментот на исправањето на првиот прекршок со вишок донација, медиумите се уште не објавиле дека Еуровиа не смее да донира на партија.
Сега целата донација , но и тендерот ќе биде испитуван од антикорупциската комисија, а предметот го води членот Шемши Салаи кој рече дека наскоро ќе биде готов предметот и има добиено определени документи.
Резултати од ДКСК очекува и премиерот Ковачевски, кој за првпат се произнесе за високите донациии за тендер кој го добил најголемиот донатор на ДУИ. Има свое поинакво видување нс состојбата.
ВМРО-ДПМНЕ продолжува со обвинувањата за случајот на ДУИ кој потсетува на нивниот Талир во кој на суд во прв степен останаа без белата палата.
Еуровиа сега веќе е префрлена пред салата Борис Трајковски, работи на преуредување и расчистување на просторот. Опозицијата пак бара раскинување на нивниот договор, додека министерскиот состанок на ОБСЕ молневито се приближува.
Миомир Серафиновиќ