Комисијата за европски прашања денеска ќе ја продложи 59. седница на која на дневниот ред е Предлог законот за измена и дополнување на Законот за данок на добивка, во скратена постапка.
– Целта на предложените измени и дополнувања на Законот за данокот на добивка е усогласување со Директивата 2016/1164 на Советот на Европската Унија од 12 јули 2016 година за утврдување правила против практиките за избегнување данок кои директно влијаат врз функционирањето на внатрешниот пазар, како и препораките од Европската Комисија и од меѓународните финансиски институции, се вели во образложението.
Стои и дека со предметниот закон се пропишуваат законски решенија кои придонесуваат за намалување на административниот товар на даночните обврзници и на Управата за јавни приходи, проширување на даночната база, преку таргетирање на даночните ослободувања и олеснувања во постојниот систем на данокот на добивка.