Силен земјотрес со јачина од 5,5 степени според Рихтеровата скала утринава ја погоди централна Турција.
Европскиот медитерански сеизмолошки центар (ЕМСЦ), јавува дека земјотресот го погодил регионот на градот Адана во 8 часот и 44 минути по локално време. Потресот бил на длабочина од 10 километри, со епицентар во Козан.
Турските медиуми јавуваат дека луѓето панично бегале од домовите, но според локалните власти освен паниката кај населението, не е причинета поголема материјална штета, освен оштетени неколку плевни. нема информации за жртви или пак урнати згради.
Изминатитот период Турција е подложна на серија помали потреси по големиот и разорен земјотрес од 7,8 степени според Рихтеровата скала што на 6 февруари ги погоди неа и Сирија. По овој, следуваше уште еден силен земјотрес со јачина од 6,7 степени.
Силниот земјотрес однесе над 50 000 животи и предизвика огромна материјална штета.