Ако има наводи за корупција околу коридорите 8 и 10д, истражете ги! Ако утврдите криминал, гонете го!“, вели амбасадорката на САД во Македонија, Анџела Агелер во интервју за Капитал. Во однос на тврдењата на опозицијата за корупција околу коридорите кои треба да ги гради компанијата „Бехтел&Енка“.
„Доколку истрагата утврди корупција, нека ја гони. Мора да има одговорност за секого, секаде. Во исто време, преголемата политизација на нештата понекогаш може да биде подеднакво штетна како и самата корупција со тоа што ќе спречи добри проекти да се движат напред и ќе испрати порака до другите потенцијални инвеститори дека водењето бизнис во Северна Македонија е премногу комплицирано и бирократско“, вели Агелер.
Проектот на Коридорите 8 и10д, посочува американската амбасадорка, ја претставува најголемата инфраструктурна инвестиција во историјата на оваа земја, а придобивките за граѓаните се огромни: голем број добри работни места, договори со локални компании и снабдувачи, како и партнерство со една од најпочитуваните американски компании кои работат на Балканот и ширум светот.